Cortes de Castiella

Les Cortes de Castiella yeren la institución política qu'escontra la representación estamental de la Corona de Castiella mientres la Edá Media y l'Antiguu Réxime. Como'l restu de los parlamentos europeos medievales, los sos procuradores axuntabense por brazos: eclesiásticu, nobiliariu y común —que correspondía a la representación d'un determináu númberu de ciudaes con «votu en Cortes», gobernaes caúna d'elles pol so propiu patriciáu urbanu—.^[1] Les Cortes yeren convocaes y presidíes pol rei de Castiella. Énte'l mayor nivel de poder que la monarquía autoritaria tenía en Castiella, les funciones de les Cortes castellanes yeren menos significatives que les de les instiuciones similares na Corona d'Aragón —Cortes d'Aragón, Cortes Catalanes y Cortes Valencianes—, acutándose col tiempu a les puramente fiscales, colo que terminaron siendo solamente convocaos los procuradores del común —nobleza y cleru, los estamentos privilexaos, taben exentos de pagar impuestos—.

Nos sieglos XII y XIII, hubo Cortes estremaes nel reinu de Llión y el reinu de Castiella. Les socesives separaciones y uniones ente dambos reinos terminaron mientres el reináu de Fernando III el Santu (1230), y a partir d'entós les xuntes de les Cortes fixéronse simultáneamente y na mesma ciudá, anque primeramente por separáu —por casu, asina asocedió nes Cortes de Valladolid de 1293—, denominándose «Cortes de Castiella y de Llión», o «de Llión y de Castiella» hasta'l sieglu XV. Dende'l reináu de los Reis Católicos, ye habitual denominales a cencielles «Cortes de Castiella».

Error de cita: Esisten etiquetes <ref> pa un grupu llamáu "nota", pero nun s'alcontró la etiqueta <references group="nota"/> correspondiente

1. ↑ Máximo Diago, "El acceso al gobierno de las ciudades castellanas con voto en Cortes a través del patronazgo regio durante el siglo XV", Anuario de estudios medievales, ISSN 0066-5061, Nº 32, 2, 2002 (Ejemplar dedicado a: Las élites urbanas. Estrategias Familiares Prosopografía. Vías de acceso al poder), págs. 879-914